👉 მარტივად: დაო არის ადამიანების გაერთიანება ინტერნეტში, სადაც წესები წინასწარ გაწერილია კოდში და ყველა გადაწყვეტილება მიიღება ერთობლივად და გამჭვირვალედ.
🌍 მისია
DAO „მოქალაქე“-ს მისიაა რაც შეიძლება მეტი ქართველის* გაერთიანება მსოფლიოს გარშემო ერთიან ციფრულ სივრცეში, სადაც ადამიანები ქმნიან და ახორციელებენ ბიზნეს, საქველმოქმედო, სოციალურ-პოლიტიკურ, საგანმანათლებლო, კულტურულ, სპორტულ და ა.შ. ინიციატივებს კოლექტიური ძალით, პროფესიონალური მხარდაჭერით და ფინანსური რესურსების მობილიზებით.
🎯 მიზნები
- შევქმნათ ციფრული რესპუბლიკა, სადაც ქართველები, მიუხედავად მათი გეოგრაფიული მდებარეობისა, ერთიანდებიან საერთო ღირებულებების გარშემო.
- იდეების ავტორებს მივცეთ საშუალება იპოვონ თანამოაზრეები, პროფესიონალური მხარდაჭერა და დაფინანსება.
- რესურსების მქონე წევრებს (ფინანსური თუ პროფესიული) მივცეთ შესაძლებლობა ჩაერთონ ინიციატივებში, რომელთა განხორციელებაც ემსახურება საქართველოსა და ქართველების გლობალურ განვითარებას.
- მოქალაქეობა DAO-ში განისაზღვრება აქტიურობით: მონაწილეობის ხარისხი, ინიციატივების მხარდაჭერა და რეალური წვლილი განსაზღვრავს წევრის როლსა და სტატუსს.